Psalm 26.1 ▶ 01:34
Vater, vergib ihnen, denn sie wissen nicht, was sie tun
Die Junge dien sit neustem mit dr Gable Pudding ässe. Do bruucht's au d'Pisa-Studie nüm, zum dr IQ mässe. Und glyych darf me nid z'sträng syy mitne, well, darfsch nid vergässe, die hän halt d'Wyysheit ebbe au nid mit em Löffel gfrässe.
Psalm 26.2
Gott gibt Gnade - und kann sie wieder nehmen
Genau so wie dr Harry Potter zauberet zwyyfelsohni, mit eme rote Baslerstab dr Zauber Lauber Toni. Abarakadabara! Är zeigt uns stolz wies goht. Und, hokuspokus, wärde schwarzi Zahle wieder rot.
Psalm 26.3 ▶ 03:59
Offen stehen nicht nur die Tore zum Himmel
Dr längscht vergässe Sarkozy muess schyynbar hinter Gitter. E kleine Maa wird wider gross, dank medialem Gwitter. Doch s'weiss e jede, für d Franzose isch das gar nid schwer, statt schaffe 5 Joor ummezgammle, wiene Camenbert. Im Gfängnis in Paris, do hörsch en plötzlig ganz lut schreie, well är, encore une fois, bim Dusche d'Seifi het lo gheie. E Koh und Go herrscht in sim Po, drum hä mir d'Theorie: Als Gauner kunnsch so légère dryy, s'könnt glatt dr Louvre-Yygang syy.
Psalm 26.4 ▶ 02:43
Der Überfluss des Einen - zeigt den Mangel des Anderen
I ha zum Coiffeur welle, das isch z'Basel jo nid schwär. Allei scho in dr Fäldbärgstross git's dausig ungefähr. Ali, Mehmet, Bülent, Mesut, Ercan und Ugur. Egal, zu wäm de gosch, hesch schlussemänd die glyych Frisur. Es het mol eine all die Coiffeurlääde welle zelle, het ufgää, well s'git ungefähr glyych viel wie Baustelle. Drum het är sich en lyychetr's Hobby gsuecht mit viel Verstand und zellt jetzt lieber d'Parkplätz z'Basel, well do langt ei Hand.
Psalm 26.5 ▶ 05:01
Der Herr wird richten
Dr Prinz Andrew wär gärn WM Schiri worde, dä rammlig Bock vom Buckingham Palast. Är basst au ohni Titel, Räng und Orde perfäkt zum FIFA Mafia dräcks Morast. Aber an dr WM hät me gmerkt bim erschte Pfiff: Sälbscht uf em Fuessballplatz het dä si Pfiffe nid im Griff.
Psalm 26.6 ▶ 06:08
Wohl denen, die auf tugendsamen Wegen wandeln
Monopoly, das spiilt me praktisch uf dr ganze Wält. Und häsch de Züri Paradeplatz, denn ghört dir s'beste Fäld. Dr Maa mit em Zylider lost jetzt allerdings vermälde: S'düürschte Fäld heisst neuerdings Durchfahrt-Stross Birsfälde
Psalm 26.7
Erbarme dich meiner - ich habe gesündigt
Mir blooge euri Ohre, mit Gendervärs sit Joore. Oje! Dank ESC, git's no ein meh! Längst passée isch s'Thema vo de Genderstärn. Nüm aktuell, en alte Huet und s'ligt scho färn. Doch en usglutscht's Thema blyybt für uns modärn, well, mir lutsche gärn.
Psalm 26.8 ▶ 07:39
MAGA - Make Arschkrieche great again
Em Donald Trump si Hintertür durchläbt grad harti Zyte. Es dränglet und schlänglet sich dört d'Wält-Arschkriech-Elite. Dr erst in sim Nutellastüübli isch dr Infantino und dä brätteret in dä Tunnel wiene g'öölte Cisalpino.
Denn kunnt e Scheich im wysse Gwand, wo ihm e Privatjet bringt. Und kunnt är us sim Füdle, isch s'Pijama brun und stinkt. Und dr Käller Sutter stinkt's, sie frogt sich, was zur Höll das söll. Dä Arsch isch jo scho gstoosse voll, do zahl ich lieber Zöll.
Nach em WEF herrscht Einigkeit unter Proktologe: Em Trump si After isch si fleischgwordene Triumpfbooge. E jede schlyymt sich yy, stopft sich dört dryy, es eskaliert. Raffiniert het är si Dickdarm drum zum Ballsaal expandiert.
Die Rosette muess me fette, well si weh macht vom Gedränge. Zum d'Ritze schmiire könnt au s'Öl us Venezuela länge. S'Hinterzimmer schmärzt no immer schlimmer, hörsch en briele. Drum brucht är jetzt au no Grönland, sprich, e Hampfle Yys zum Kiehle